خهونێكێ ئهرخهوانیی
گۆڕینی قهبارهی نوسین:
bandiAli
بهندی عهلی .. فێبریوهری 2010
خۆشخهیالێک
ئهم زهمهنه
ئێوارهیهکی سیحراویهو
لێوان لێوه لهیارو یاوهری شهیدا
منیش لهنێو گوڵستانێکی عیشقا
دهگوزهرێم
ئهوی ههڵی دهمژم تهنیا
سروهبایهکی کوێستانی سرک نیه
لهگهلاوێژی گهرمهسێرێکا
ئهوی ههڵی دهمژم نهفخێکه
لهروحی پهریهکانی بهههشت
ئهو بهههشتهی
گورگ و بهرخی
لهسهر یهک ڕووباری ههنگوین
گهرووی مهرام تهڕ دهکهن و
گڕی تینوێتی دهشکێنن
ئهو بهههشتهی
ههموو بستێکی بوستانی سهرمهدیهو
گوڵ و خاری دهست لهملن
لهههر کوێیهک دڵت گرتی
ڕهشماڵی زیندهگیت ههڵدهو
بێ دڵهڕاوکێ و بێ گومان
ناوی لێ بنێ .. نیشتیمان
زیادیبکه له:
del.icio.us |
Digg
del.icio.us |
Digg
ناردنی بابهت به ئیمێل
چاپكردنی بابهت
تهنها به تێکست
ههڵسهنگاندنی بابهت