گەمارۆ ....بەرزان هەستیار

2008-12-14

 گەمارۆ 
           بەرزان هەستیار
 ئۆكتۆبەر و نۆڤێمبەری 2008
          ئەڵمانیا- كۆلن
 bhastiar@yahoo.de
  
 -1-
 دابەشی هەر ژمارەیەكی بكەیت ،....
 وەك خۆی ئەمێنێتەوە ، مردن ؛
 لە هەر ژمارەیەكی بدەیت ،....
 هەر ئەكاتەوە خۆی ، مردن ؛
 لەگەڵ هەر ژمارەیەك كۆی كەیتەوە ،...
 سەر ئەنجام خۆیەتی ، مردن ؛
 هەر ژمارەیەكی لێ دەركەیت ،....
 ئەمێنێتەوە خۆی ، مردن ّّّ!!!!
  *******
 لە دەریای هەڵكێشیت ،
 ئەیكاتە كوشتارگەی ماسی و
 لەوسەرەوە ، وەك نە بای دیبێت نە بۆران ،....
 ئەكەوێتەوە سەر ئاو ، مردن ؛
 وەكو گأە  بەسەر گلێنەی سەوزاییەكاندا أەت ئەبێ و
 چەشنی سەهۆڵ  ئەنیشێتە سەر خوێنە گەرمەكان ،
 لەسەر ناسكترین پەأەی گوڵ .....
 دەست ئەخاتە سەر شانی پەپوولە و
 لە هێمنترین ئێوارەدا لە عیشق مۆأ ئەبێتەوە ،
 بەردەوام چاڵ بۆ ژیان هەڵئەكەنێت و
 شانازیی بە نامەردی خۆیەوە ئەكات ، مردن
 
   -2-
 
 بە شانی كچێكی غەجەرییەوە ، جانتایەك ،
 لەسەر سینەی  ، تاڤگەی قژێكی قەترانیی ،
 لە ژێر كراسێكی سپییەوە ، ستیانێكی پەمەیی ،
 لە گەردنیا ، ملوانكەیەكی زیویین ،
 لە دەستەكانیا ، أستێك بازنگ لە نەسلی پێكەنین ،
 لە لێوانیا ، ئای لەسەر لێوەكانی ....
 تەنكە سووراوێك لە أەنگی منداڵبوونەوە ،
 لە كەمەریا ، پشتێنێك ، لە تەیمانی  باخی بەهەشت ،
 بە شانی كچێكی غەجەرییەوە ،
 لەسەر سینەی ،
 لە ژێر كراسەكەیەوە ،
 لە دەستەكانیا ،
 لە لێوانیا ،
 لە كەمەریا ،....
 پاڵی داوەتەوە ، مردن
  *******
 
 سەری ئەنێمە سەر قۆڵم و
 جامێك ئاو ئەكەم بە دەمییەوە
 بۆ ئەوەی نەخنكێت ، باران !
 ئەیخەمە ژێر پاڵتۆكەم و
 سەری ، توند..توند ئەنێم بە سنگی خۆمەوە
 با أەق نەبێتەوە ، ئاگر !
 ئەیبەمە ژوورەكەی خۆم و
 تا بەیانی حیكایەتی خۆش خۆشی بۆ ئەگێأمەوە
 با نیگەران نەبێت ئەو سەگە ّ!
 ئەیانخەمە نێو لەپی دەستەكانمەوە
 كەچی  لەوێش ، خۆی بۆ تەیار كردوون ، مردن
  *******
 گرەو لەگەڵ قومارچیی و
 نوێژكەر و
 شاعیر و
 گاڵتەباز و
 قومار لەگەڵ  " مولحید " و
 "عابید "یش  ئەكات و
 هەمیشە ئەیباتەوە ، مردن
  
   - 3 -
 
 كوأی كێیت تۆ ، ئەی مردن  ّ؟
 لە كام داوێن بەربوویتەوە !؟
  *******
 سەیرە ، لە بێ أەنگییدا چەندە لە ئاو ئەچیت ،
 لە سپڵەییدا ، تەنها لە خۆت ئەچیت ، 
 لە بێ تامییدا هەر ئەڵێی لە نەسلی ئاویت ،
 لە ناشرینییدا ، لە هیچ أۆح لەبەرێك ناچیت ،
 لە بێ بۆنییدا ، ئەچیتەوە سەر خانەوادەی  ئاو ،
 لە بۆگەنییدا ، هەر خۆت لە أەنگی خۆتیت ،
 لە زەلیلییشدا ،......
  هیچ شتێك لەم هەموو مەخلووقە ناچێت
 هیچ لە أەنگی پەأیوی ئێمە ناكات .....
 لەبەردەم چریسكەی شمشێرەكەی تۆدا ، مردن
  *******
 دابەشی هیچ ژمارەیەكت ناكەین و
 لە هیچ ژمارەیەكت نادەین و
 لەگەڵ هیچ ژمارەیەك كۆت ناكەینەوە و
 هیچ ژمارەیەكیشت لێ دەرناكەین ، كەچی
 هەمیشە هەر خۆتیت و هەمووشمانیت
 ئێمەش هەردەم ، هەر خۆمانین و خۆشمان نین ،
 هەر خۆمانین و تۆش ؛ مردن ّ!