ئاگاداری: بۆ هه‌موو کوردانی دانیشتووی دانیمارک.

2008-07-30

  له‌ دژی  له‌ سێداره‌دان و زیهنیه‌تی وه‌حشی گه‌رایی کۆماری ئیسلامی ئێران. با هه‌موومان به‌ یه‌ک ده‌نگ بڵێین  ئیدی به‌سه‌!
   
 له‌ کاتێدا کۆماری ئیسلامی داگیرکه‌ر له‌ بواری سه‌ربازیدا هه‌موو توانای خۆی بۆ وێرانکردنی کوردستان و‌ پاکتاوکردنی بزوتنه‌وه‌ی ئازادیخوازی گه‌له‌که‌مان و داسه‌پاندی شه‌ڕ له‌ به‌رامبه‌ر داخوازیی  ئازادی گه‌له‌که‌مان خستۆته‌گه‌ڕ و هه‌ر رۆژ هێرش و ئۆپراسیۆنه‌کانی په‌ره‌ پێده‌دات، ئه‌مڕۆش کۆماری ئیسلامی ئێرانی داگیرکه‌ر به‌ هه‌ڵوێستی وه‌حشیه‌تگه‌رایی تۆقاندن به‌ له‌ سێداره‌دانی که‌سایه‌تی پێشنگ و ئازادیخواز ده‌یه‌وێت ده‌نگی ئازادی گه‌له‌که‌مان له‌ ڕۆژهه‌ڵاتی کوردستان کپ و بێده‌نگ بکات و ئیراده‌یی گه‌ل بشکینێت.
 ئێمه‌ وه‌ک کۆمیته‌ی پارتی ژیانی ئازادی کوردستان له‌ دانیمارک، چالاکییه‌کی پرۆته‌ستۆی له‌به‌رده‌م باڵوێزخانه‌ی کۆماری ئیسلامی ئێران له‌ کۆپنهاگن ڕێکده‌خه‌ین، بۆ ئه‌و مه‌به‌سته‌ بانگه‌وازیی له‌ هه‌موو کوردانی ووڵاتپاریز و خاوه‌ن هه‌ڵوێست و که‌سانی ئازادی خواز و مرۆڤ دۆست و  داموده‌زگاکانی کۆمه‌ڵگای مه‌ده‌نی و لایه‌نه‌ سیاسیه‌کان ده‌که‌ین به‌شداربن.  با هه‌موومان به‌ یه‌ک هه‌ڵوێست ژیانی که‌سانی زیندانی  ده‌سته‌به‌ر بکه‌ین و سیاسه‌تی کوشتن و نامرۆڤانه‌ی ڕژێمی ئیسلامی ئێران مه‌حکوم و ڕیسوا بکه‌ین.
 شوێن: له‌ به‌ر درگایی ستاشیۆنی سۆنامۆلین کۆده‌بینه‌وه‌ و به‌ ڕێپێوان به‌ره‌و باڵوێزخانه‌ی ئێران به‌ ڕێده‌که‌وین.

  Address : Svanemøllevej Nr. 48, 2100 KBH Ø
 ڕێکه‌ووتی: ڕۆژی شه‌ممه2008/08/02‌
 کاتژمێر: 14:00 تا  17:00
 پژاک: کومیته‌ی دانیمارک